Kjempa for kvinners rett til presteteneste – no er Mari Saltkjel tilsett som prost
DEN NORSKE KYRKJA: Bjørgvin bispedømme har hatt utfordringar med motstand mot kvinnelege prestar. No har Nordfjord tilsett ny prost, sokneprest Mari Saltkjel, som har vore ei tydeleg stemme i saka.
TYDELEG OG RADIKAL: – Eg har sjølvsagt vore veldig spent. Og etter at eg sende søknaden har eg kjent på at det betyr veldig mykje for meg, både som prest, kvinne og stolt feminist, seier Mari Saltkjel om å søkje på stillinga som prost i Nordfjord.
Ruth Einervoll Nilsen
– Eg kjenner at det er ei stadfesting av noko som eg visste om på førehand, men som er godt å sjå likevel, nemleg at Bjørgvin bispedøme og distrikta der er ein stad der også kvinner får høve til å leie. Det må me leggje merkje til. Eg er stolt, glad og audmjuk, for å få dette tilbodet.
Det seier Mari Saltkjel, som bispedømerådet i Bjørgvin i dag tilsette som prost i Nordfjord prosti. Då Vårt Land ringjer har ho heilt nyleg fått telefonen frå biskop Halvor Nordhaug med den glade bodskapen. Saltkjel er i dag sokneprest i Vågsøy.
– Eg har sjølvsagt vore veldig spent. Og etter at eg sende søknaden har eg kjent på at det betyr veldig mykje for meg, både som prest, kvinne og stolt feminist.
