Kan kyrkjestreiken gå mot slutten? Dette blir stridens kjerne under meklinga
KONFLIKT: Etter ein månad i streik, skal arbeidstakarane og arbeidsgivarane inn i nye forhandlingar på sundag. Her er punktene som avgjer om streiken tar slutt – eller held fram.
Sundag skal partane tilbake til riksmeklaren for nye samtalar. Der vil det vise seg om arbeidsgivars handsrekning er nok til å avblåse streiken. Her står streikande kyrkjearbeidarar utfor Oslo domkirke i desember.
Terje Bendiksby/NTB
Framleis er 58 medarbeidarar i kyrkja i streik. Frå torsdag neste veke kan 26 nye medarbeidarar bli tatt ut i streik, ifølgje Unio KA. Sjølv om arbeidsgivar KA i romjula la fram eit tilbod til prestane, kor deira viktigaste krav blei innfridd, er konflikten framleis ikkje løyst.
Etter at forhandlingane hos riksmeklaren braut 12. desember, skal ein etter lova møtast tilbake 30 dagar seinare. Det skjer førstkomande sundag, 10. januar.
Fleire kjelder uttaler at forhandlingane kan bli «svært krevjande» – trass i at KA har møtt prestane på punktet om å få kompensasjonen for bortfallet av buplikta som ein del av løna.
