På Jørpeland, ved Idsefjorden i Rogaland, er kristenlivet levande. Men det siste året har det bråkt rundt kyrkja.
Ruth Einervoll Nilsen
Jørpeland var blant Rogalands best besøkte kyrkjelydar. Så skjedde det noko
Ein folkekjær prest blir fjerna. Ein kyrkjelyd står igjen utan svar. I ei bygd i uvisse oppstår eit sterkt engasjement – og spekulasjonar om kva som kan ha skjedd bak lukka dører.
Det er vanskeleg å sjå for seg at det knyste, opne kontorlandskapet i Jørpeland sentrum er utgangspunktet for ei sak med bråkete dimensjonar. Innboksane og telefonane til Strandbuen-journalistane har gått varme det siste året.
– Har de ikkje vatna plantene?
Elin Moen Karlsen er innom redaksjonslokalet for første gong på... Ho kan faktisk ikkje hugse sist. Iallfall så lenge at ho er uroa for dei grøne vekstene som hadde hatt godt av litt meir omsorg frå redaktøren.
