Historisk vedtak for å gjera Den norske kyrkja meir inkluderande: – Ein milepæl
KYRKJEMØTET: – Dette har me jobba for i nitti år, seier ein nøgd generalsekretær i Kabb, Øyvind Woie om historisk vedtak om inkludering i Den norske kyrkja.
NØGD: Øyvind Woie, generalsekretær i Kabb, trur mange med funksjonsnedsetjingar no etter det nye vedtaket vil oppleve at dei blir anerkjende og ein del av fellesskapet i kyrkja.
Joakim Halvorsen
– Glede.
Det er det enkle svaret på kva generalsekretær i Kristent Arbeid Blant Blinde og svaksynte (Kabb), Øyvind Woie, kjenner på etter at eit historisk vedtak gjekk gjennom på Kyrkjemøtet i Trondhiem tysdag føremiddag.
Dei øvste tillitsvalde i Den norske kyrkja (DNK) vedtok nemleg ei ambisiøs liste over punkt som skal gjera det enklare for personar med funksjonsnedsetjingar å delta i arbeidet til kyrkja.
