Har vore tjue år på Kyrkjemøtet: Dette har endra seg
DEN NORSKE KYRKJA: Kopimaskiner som gjekk døgnet rundt og ringpermar sendt med posten. Mykje har forandra seg sidan Øyvind Meling var på sitt fyrste kyrkjemøte.
LANG FARTSTID: Øyvind Meling er med på nedrigginga av sitt 21 kyrkjemøte. Mykje har endra seg på denne tida, fortel han.
Marit Neset
Øyvind Meling har jobba i administrasjonen i Kyrkjerådet sidan 2002 i ulike stillingar. Kort tid etter at han starta, var han på sitt fyrste Kyrkjemøte. I år var han på si 21., og truleg siste, storsamling med dei øvste tillitsvalde i Den norske kyrkja.
Berre eitt år har han vore vekke, og då var det grunna sjukdom. No går han snart av med pensjon, og vil ikkje lenger gå rundt i gangane medan delegatar diskuterer, kranglar, rosar og rasar seg gjennom eit breitt spekter av saker.
– Er det noko du kjem til å sakne?
