Har forsprang på éi stemme
DEN NORSKE KYRKJA: Vårt Lands ringerunde viser nesten daudt løp i kyrkjerådsleiarvalet. Mange har ikkje bestemt seg endå, og slaget om deira stemmer står det neste døgnet.
SIDE OM SIDE: Harald Hegstad og Gard Sandaker-Nielsen vil begge bli ny leiar av Kyrkjerådet. Endå er det mange som ikkje har bestemt seg for kven dei vil stemme på.
Erlend Berge
– Eg vil gjerne høyre samtalene i plenum før eg avgjer kven eg landar på.
Det seier kyrkjemøtemedlem Per Gunnar Pedersen om kven som skal få stemma hans i kyrkjerådsleiarvalet fredag.
Han er éin av 117 medlemmar med stemmerett i Kyrkjemøtet som er det øvste demokratiske organet i Den norske kyrkja (DNK). Dei skal samlast i Trondheim til sitt årlege møte 11.-14. april.
