Handballforbundet kan trekke all aktivitet frå BCC-kopla arena
Fleire titals handballklubbar har ytra misnøye med å skulle spele kampar i BCC-kopla Oslofjord Arena. No seier forbundet at det blir alt eller ingenting i framtida – handballstyret tek avgjerda.
– Alle klubbane vil delta, men dei ønskjer at spelet skal flyttast til ein annan arena. Eg håper og trur at klubbane avventar ei endeleg avgjerd frå norsk handball, seier Erik Langerud, generalsekretær i Noregs Handballforbund.
Sidan saka byrja å murre like før jul, har det brent stadig meir under føtene til handballforbundet. Det er bruken av Oslofjord Arena som skaper misnøye i Handball-Noreg. Arenaen er eigd av Brunstadstiftelsen, som er tett knytt til Brunstad Christian Church (BCC) – tidlegare kjent som Smiths venner.
Det er verdisynet til BCC, spesielt knytt til seksualitet og homofili, som opprører klubbane.
