Gylver om iftar i kyrkja: – Forståeleg at nokre tenkjer det er i grenseland
FASTEBRYTING: Oslo-biskop Sunniva Gylver svarer på kvifor Den norske kyrkje er med å invitere til det muslimske måltidet iftar i kyrkjerommet.
NÆRE MUSLIMSKE VENER: – Eg har fått nære muslimske vener, og blitt berika i mi eiga tru og teologi, seier Sunniva Gylver. Ho har vore del av dialogarbeidet mellom kristne og muslimar i Norge i mange år.
Liv Mari Lia
– Eg skjønar at det for nokre er uvant, og eg har erfart gjennom mange år at kristen-muslimsk dialog og dialogpraksis vekkjer mange og sterke kjensler.
Det seier Oslo-biskop Sunniva Gylver i ein e-post til Vårt Land.
I fleire år har Den norske kyrkje (DNK) vore med på å invitere til iftar, måltidet muslimane bryt fasten med under Ramadan, i kyrkja eller tilhøyrande bygg.
