Fredsbyggar: – Eg må tru på full forsoning, viss ikkje hadde eg vore galen
RETTFERDIG VERD: Den anglikanske presten René August kjempar framleis for ei meir rettferdig verd, nesten 30 år etter at apartheid blei oppheva i heimlandet.
René August er no i Norge, og skal halde bibeltimar på Korsveifestivalen.
Matilde Solsvik
– Eg trur alle ting kan bli tilgjeve, på grunn av kva tilgjeving er. Tilgjeving er ikkje å seie at det som skjedde er greitt. Men tilgjeving er å seie at det som skjedde ikkje er så mektig at det kan definere resten av livet mitt.
Det seier René August. Ho er anglikansk prest i Sør-Afrika, og vaksen opp under apartheid-regimet i landet. August arbeider hovudsakleg med fredsbygging i den britiske organisasjonen Tearfund, som er eit kristent byrå med arbeid retta mot å overvinne urettferd og fattigdom.
Denne veka er ho i Norge for å delta som undervisar på Korsveifestivalen.
