Etter eitt år i drift hadde den kristne skulen håpa på høgare søkartal
SKULE: Pinsekyrkja Jesus Church opna Hans Nielsen Hauge Grunnskoler i fjor, men har ikkje så mange elevar dei skulle ønskje. Kristne Friskolers Forbund trur framleis det er plass til fleire kristne skuler.
STARTA OPP I 2023: Vårt Land besøkte Hans Nielsen Hauge Grunnskoler i Oslo før oppstart i August i fjor.
Erlend Berge
– Det har kanskje overraska meg litt at det ikkje har vore større interesse foreløpig. Men eg skjønar at det tar tid å bli kjent.
Det seier Øyfrid Sofienlund, som er rektor på Hans Nielsen Hauge Grunnskoler. Då pinsekyrkjelyden Jesus Church starta opp to privatskular i Oslo og Nordre Follo i fjor, var Vårt Land til stades like før skulestart i august for å skrive om forventningane rektoren hadde til dei nyetablerte skulane.
Den gongen var målet at minst 20 elevar skulle starte opp med skulegang i Oslo. Sofienlund fortel at Oslo-avdelinga, lokalisert i Skådalen nær Holmenkollen, enda opp med rundt 15 elevar, og at dei til neste skuleår blir nokre fleire.
