Ole Kristian Bonden
Guro Asdøl Midtmageli
Eit «under» at han blei biskop
Ei dramatisk ulykke har forma Ole Kristian Bonden som prest. – Det er ikkje sikkert at alle skal lesa Bibelen, seier den nye biskopen i Hamar bispedøme.
Det er ein sliten og stille gjeng som sit i bussen. Alvoret og sorga heng tungt over dei.
I framsetet sit ein politimann som informerer undervegs. Over dei krinsar det eit helikopter frå CNN.
Ole Kristian Bonden kjenner ein trong til å skåne passasjerane, og byrjar å trekke igjen gardinene i bussen.
