Den russisk-ortodokse kyrkja velsignar potensielt masseøydeleggande rakettar
KRIGEN OG KYRKJA: Kvar våpengrein i det russiske militæret har sin eigen helgen. Men enkelte ortodokse prestar i Russland har fått nok – og tatt til orde for å avskaffe velsigninga av dei mest destruerande våpena.
ALLIANSE: Her køyrer Ruslands ballistiske missil RS-24 inn på Den raude plass under sigersdagsparaden i Moskva i 2011. Fleire forskarar meiner dei siste tiåra å sjå den ortodokse kyrkja ta den kommunistiske ideologiens plass i det russiske militæret.
Alexander Zemlianichenko
Sidan den russiske invasjonen av Ukraina, har bilde av draktkledde ortodokse prestar som spreier vatn og røykelse over våpen og soldatar versert i sosiale medium og nyheitsartiklar. Dei fleste stammar frå før krigen braut ut.
Dette sterke bandet mellom militæret og den russisk-ortodokse kyrkja har nemleg eksistert i mange år – men har særleg blitt tettare etter at Sovjetunionen fall.
Spesielt det siste tiåret har staten, hæren og kyrkja kopla seg i lag, og på ideologien om eit «heilag Russland» mot den «gudlause Vesten», ifølge den svenske teologiprofessor Archimandrite Cyril Hovorun frå Teologiska Högskolan i Stockholm.
