Biskopar og bispedømmeråd ueinige om kven som bør bli ny biskop
BISKOPVAL: No har fleirtalet av biskopane bestemt seg for kven dei helst vil ha som ny kollega. Dei peikar på Harald Hegstad. Dei er ueinige med bispedømmerådet i Borg, som vil ha Kari Mangrud Alvsvåg.
KANDIDATANE: Kari Mangrud Alvsvåg, Kåre Rune Hauge og Harald Hegstad er kandidatar til å bli biskop i Borg. Alvsvåg får støtte frå bispedømmerådet, medan fleirtalet av biskopane vil ha Hegstad.
Erlend Berge
Måndag 17. januar blei det klart at fleirtalet av biskopane har peika på Harald Hegstad som sin føretrekte kandidat til å ta over som biskop i Borg etter Atle Sommerfeldt, som gjekk av med pensjon 1. desember.
Hegstad fekk 9 av stemmene i bispekollegiet. Kari Mangrud Alvsvåg fekk 3 stemmer, og Kåre Rune Hauge fekk ingen stemmer.
Det skriv Kyrkjerådet i ei pressemelding.
