Biskopane ber regjeringa ta grep for ureturnerbare: – Ei skam
ASYL: Mange papirlause står utan helsetenestar, og biskopane fryktar dei har fått det verre under pandemien. I eit brev ber dei politikarane skru tempoet opp for å betre livet til «dei svakaste iblant oss».
I eit felles brev ber Bispemøtet regjeringa hjelpe ureturnerbare så snart som råd. – Ei skam for det norske samfunnet, seier Stavanger-biskop Anne Lise Ådnøy.
Pandemien har isolert oss alle. Men Norges biskopar er uroa for spesielt éi gruppe dei meiner lider enno verre: Lengeverande asyløskarar og ureturnerbare.
– Me synest det er ei skam for det norske samfunnet at det lever menneske i landet som ikkje får tjene til sitt eige livsopphald, og som får forsvinnande lite støtte, seier Stavanger-biskop Anne Lise Ådnøy.
Saman med Bispemøtet meiner ho det hastar for norske styresmakter å hjelpe dei som ikkje kan sendast tilbake til heimlanda sine, og som ikkje får nok til å leve av i Norge.
