Berre kvinner valt til kyrkjeleg råd. – Ikkje representativt
INTERNASJONALT ARBEID: Tre av fire som blei valt inn i det økumeniske rådet til Den norske kyrkja høyrer til Åpen folkekirke. – Kyrkjemøtet må vere bevisst på heilskapen, seier leiaren i Frimodig kirke
SPØRSMÅL OM VARIASJON: Oddgeir Sølvfæstersen meiner Mellomkyrkjeleg råd ville vore tjent med ei meir annleis samansetjing.
Marit Neset
Då Kyrkjerådet, som er «styret» i Den norske kyrkja (DNK), skulle veljast i helga, var representativitet eit sentralt tema.
Balanse i kjønn, alder, kyrkjeliste-tilhøyre og minoritet blei peikt på som viktige mål. Kyrkjerådet som blei forhandla fram, fekk ros for å vareta nettopp dette.
Då Mellomkyrkjeleg råd (DNK sitt organ for økumenikk og internasjonalt arbeid) skulle settast saman, blei det derimot gjort som eit fleirtalsval, ikkje gjennom ein avtale.
