Aserbajdsjan vil fjerne armenske spor frå kyrkjer
KULTURHISTORIE: Armenske inskripsjonar på kyrkjer i erobra område vil bli fjerna, melder den aserbajdsjanske regjeringa. Dei seier spora er forfalska, til protestar frå historikarar.
ASERBAJDSJAN: Ein armensk prest går inn i Dadivank, eit kloster frå 800-talet med røter i Kalbajar-regionen. Regionen tilhøyrte Armenia frå den fyrste Nagorno-Karabakh-krigen i 1993, men den gjekk tilbake til Aserbajdsjan etter krigen i 2020.
Emrah Gurel
Aserbajdsjan har utnemnt ei gruppe spesialistar som skal sjå på korleis dei kan fjerne armenske inskripsjonar frå kyrkjer Nagorno-Karabakh-regionen, kunngjorde landet sin kulturminister på ein pressekonferanse førre veke, skriv den svenske avisa Dagen.
Regionen har vore i konflikt i fleire tiår, då både Armenia og Aserbajdsjan ynskjer kontroll over området. I 2020 blussa konflikten opp att, noko som resulterte i tusenvis av drepne på begge sider, og endå fleire menneske på flukt.
Under krigen erobra Aserbajdsjan fleire landområde der det er ei rekkje kyrkjer med armenske inskripsjonar.
