Alt ho vil er å vera medlem av kyrkja si, men ho får ikkje lov
IKKJE OVERRASKA: Lise Eistrup Schrøder har rekna Misjonskirken Norge som sin åndelege heim sidan ho blei kristen. Ho er skuffa over den nylege avgjersla om at menneske i homofile forhold ikkje kan bli medlem av kyrkjelydar.
OPPKALLA: Rose er namnet på gitaren til Lise Eistrup Schrøder. Den er kalla opp etter biskop Rosemarie Köhn.
Erlend Berge
– Eg er ikkje overraska, men eg er skuffa.
Det seier Lise Eistrup Schrøder om at det nyleg blei det klart at Misjonskirken Norge (MKN) held fast på at homofile i forhold ikkje kan bli medlemmar av misjonskyrkjer.
Schrøder har vore medlem av Narvik Misjonskirke sidan ho var ungdom og reknar Misjonskirken Norge som sin åndelege heim. Då ho var i 30-åra stod ho fram som lesbisk, og ho er i dag gift med ei kvinne.
