Magasinet «Fri tanke» skal ikkje lenger vera fritt
HUMAN-ETISK FORBUND: Magasinet til Human-Etisk Forbund, Fri tanke, skal ikkje lenger drive fri og uavhengig journalistikk. – Sterkt beklageleg, seier direktør i Fagpressen.
IKKJE SAMSVAR: Kommunikasjonssjef i Human-Etisk Forbund Marit Øimoen, er blitt redaktør for medlemsmagasinet til organisasjonen, Fri tanke. Det er ikkje i samsvar med Redaktørplakata.
Human-Etisk Forbund
Fram til no har medlemsmagasinet til organisasjonen Human-Etisk Forbund (HEF) vore styrt av ein uavhengig redaktør. No er kommunikasjonssjef i HEF, Marit Øimoen, blitt redaktør for Fri tanke. Ho stadfestar at magasinet ikkje lenger vil vera uavhengig av organisasjonen.
– Dette har vore ein prosess over lengre tid, der tidlegare redaktør i Fri Tanke har gått over i ei anna stilling i organisasjonen og der me har gått frå å ha ein redaksjon på sidan av HEF, til at me har tatt det arbeidet inn i vårt heilskaplege kommunikasjons- og medlemsarbeid. Me kan derfor ikkje lenger jobbe under Redaktørplakata og drive fri journalistikk.
Redaktørplakata er ei avtale der ein forpliktar seg på visse rettar og krav til redaktøren. Kjerneprinsippet i erklæringa er at redaktøren skal vera uavhengig av eigar eller utgjevar. Grunnsyn og formålsreglar kan eigar bestemme, men utover det skal redaktør kunne leie redaksjonen fritt for innblanding.
Bestill abonnement her
KJØP
