Kristenkonservativt symposium i motvind
OSLO SYMPOSIUM: For to år sidan kunne Bjarte Ystebø juble over at draumen om å samle KrF og Frp i regjering endeleg var gått i oppfylling. To år seinare ser det mørkt ut for symposie-leiaren sin politiske visjon.
TI ÅR: Annakvart år sidan 2011 har Bjarte Ystebø og det kristenkonservative miljøet rundt avisa Norge IDAG arrangert Oslo Symposium.
Erlend Berge
– Når ikkje-sosialistisk side samarbeider får dei fram det beste i kvarandre, seier Ystebø til Vårt Land.
Han legg ikkje skjul på at ein viktig motivasjon for å etablere symposiet i Oslo var nettopp å skape samling på borgarleg side. Bjarte Ystebø har leia konferansen heilt frå starten i 2011, og lenge såg det ut til at norsk politikk bevegde seg i den retninga han ønskte.
Sist gong Oslo Symposium var samla var i 2019. Då var det uttalte målet om å samle borgarleg side i ei og same regjering nådd.
