WHO oppmodar rike land til å betale for koronaplan

Det er denne summen som manglar for å gjennomføre ein plan for å forsyne land med vaksinar, testar og medisinar gjennom eit FN-program.

Pengane skal brukast til å byggje opp eit lager på 600 millionar vaksinedosar, kjøpe 700 millionar testar og behandle 120 millionar pasientar, ifølgje Verdshelseorganisasjonen (WHO).

– Vitskapen gav oss verktøya til å kjempe mot covid-19. Viss dei blir delte globalt i solidaritet, kan vi avslutte covid-19 som ei global helsekrise i år, seier WHO-sjef Tedros Adhanom Ghebreyesus.

Ifølgje FNs berekningar bør 92 prosent av det nødvendige bidraget komme frå EU og G20 – gruppa av verdas største industrialiserte og framveksande økonomiar.

Gordon Brown, WHOs ambassadør for global helsefinansiering, seier at summen er eit overkommeleg beløp gitt dei globale økonomiske konsekvensane av pandemien.

Han kritiserer den vedvarande enorme forskjellen i den globale distribusjonen av vaksinar og tilgjengelegheita av testar og medisinar.

Brown peikar på dårlege vaksinasjonsratar i låginntektsland medan millionar av ubrukte dosar er venta å gå til spille i rike land.

WHO har sett som mål at 70 prosent av befolkninga i verda skal vaksinerast innan midten av året.

Tyskland er eit av få land som har forplikta seg til å betale sin del til programmet i år, sa Brown.

Tyskland, Noreg, Sverige, Kuwait, Saudi-Arabia og Canada oppfylte forpliktinga si i 2020–21.