Onsdag er første gongen sidan krigen mellom Israel og Hamas braut ut 7. oktober at utanlandske borgarar på Gazastripa har fått forlate området gjennom grenseovergangen Rafah.
Ingen norske er blant utlendingane som slapp ut onsdag, etter det Utanriksdepartementet veit.
I tillegg har 76 såra vorte evakuerte til Egypt, opplyser ein egyptisk tenestemann ifølgje AFP.
Generalsekretær Raed-Abdel Nasser i Egypts Røde Halvmåne sa tidlegare på ettermiddag at det er venta at 525 menneske skal få forlate Gaza i løpet av onsdagen.