Kyrkjeleg råd ber regjeringa stoppe innsamling til ulovlege, israelske busetjingar på Vestbreidda. Umogeleg, svarar Utanriksdepartementet.
Tusen tusenlappar hadde styreleiar John Skåland i Karmel-Instituttet med seg til israelske nybyggjarar på Vestbreidda då han overrekte gåva frå Norge 10. mai.Karmel Israel-Nytt
Juristane i Utanriksdepartementet har granska lovverket. Svaret er klart:
Norske Israels-vener kan halde fram med å samle inn pengar som blir gjeve til ulovlege israelske busetjingar på Vestbreidda, som Israel okkuperte for 50 år sidan denne veka.
Sidan 2010 har organisasjonen Karmel-Instituttet samla inn rundt fem millionar kroner til fleire busetjingar.
