– Støre-regjeringa må stoppe skatteinnkrevjinga
ERITREA: Sverges regjering vil ha slutt på at eritreiske flyktningar blir tvinga til å betale eksilskatt til heimlandet. – Støre-regjeringa må gjere det same, krev Abraham Tekle. Han har opplevd å bli trua.
STOPPE: Abraham Tekle ber ansvarlege departement gripe inn og stoppe Eritreas innkreving av eksilskatten i Norge - her på ei samling for eritreiske flyktningar i Oslo.
Bjørgulv K. Bjåen
Utanriksminister Tobias Billström har tydeleg tale:
– Regjeringa kjem til å handle. Regjeringa har ikkje gjeve Eritrea løyve til å drive inn skatt i Sverige.
Til Sveriges Radio seier den svenske utanriksministeren at dei vil stoppe inndrivinga av toprosentsskatten som eritrearar i eksil opplever som rein utpressing. Billström representerer Moderaterna, Sveriges Høgre.
