Sterke forsvararar i Frp og KrF
I Oslo meiner fleirtalet at kyrkjer kan bli brukt til heilt andre formål enn gudshus. Dårleg idé, seier folk i Nord-Norge.
VALDE KYRKJA: 23. juni 2012 gifta KrF-leiar Knut Arild Hareide seg med Lisa Maria Larsen i Lund kyrkje på Moi i Rogaland. KrFs veljarar er lite lystne på å gje slepp på kyrkjene til Den norske kyrkja.
Målinga Norstat har gjort for Vårt Land avdekkjer stort sprik i synet på kor viktig kyrkjer er for nordmenn:
• I Oslo meiner eit fleirtal, 50 prosent, at lite brukte kyrkjer godt kan bli tekne ut av bruk og omdisponerte – 45 prosent avviser ideen.
• Forsvaret for å bevare dagens kyrkjestruktur i Den norske kyrkja, er sterkast i Nord-Norge. I Finnmark, Troms og Nordland meiner 63 prosent at ideen om omdisponering er dårleg eller svært dårleg, 30 prosent seier det motsette.
