Statsministeren seier Sri Lankas økonomi har kollapsa
SRI LANKA: Statsminister Ranil Wickremesinghe seier økonomien i gjeldstyngde Sri Lanka no heilt har kollapsa og at situasjonen er svært alvorleg.
Ifølgje Wickremesinghe, som også fungerer som finansminister, er landet ikkje lenger i stand til å betale for import av drivstoff, elektrisitet og mat, som det lenge har vore mangel på.
– Vi står overfor ein situasjon som er langt meir alvorleg enn mangel på drivstoff, gass, elektrisitet og mat. Økonomien vår har brote heilt saman, sa statsministeren i nasjonalforsamlinga onsdag.
Annonse
Sri Lanka får ikkje lenger kreditt og kan som følgje av høg gjeld heller ikkje betale kontant for slik import lenger.
– Vi ser no teikn til at dette vil gå heilt til botnen, sa Wickremesinghe.
