Spår meir israelsk vin i norske pol-hyller
VIN: Vin-importør Christian Helsvig sørger for at vin frå Vestbreidda hamner i norske pol. – Me importerer vinar frå produsentar, ikkje frå styresmakter.
OMSTRIDDE FLASKER: Christian Helsvig er dagleg leiar i Ewine, som importerer vin merka frå Vestbreidda.
Foto: NTB Scanpix/Ewine
– Basert på kvaliteten på vinar frå Israel blir det heller meir vin frå Israel i framtida enn færre, trur eg. Akkurat kva område det blir frå, blir avgjort av vinkvalitet og vårt samarbeid med produsentar, ikkje av politikk.
Det skriv vin-importør Christian Helsvig i ein e-post til Vårt Land. Han er dagleg leiar i selskapet Ewine, som importerer to vinar som Vinmonopolet merkar med opphav frå israelske busettingar på Vestbreidda.
I dag kan norske pol-kundar velja mellom 13 produkt frå Israel og israelsk-okkuperte område. Fleire tek til orde for ein boikott av denne vinen som følgje av Israels krigføring på Gaza.
