Sp-Toppe: Det er absolutt ikkje ei tapt sak
SLAGET STÅR I STORTINGET: Regjeringa flyttar abortgrensa til veke 18 og skrotar forbodet mot sjølvbestemt tvillingabort. Sp tek dissens i begge saker, men får to viktige gjennomslag.
MEKTIG: Barne- og familieminister Kjersti Toppe (Sp) har vore sentral i regjeringas arbeid med ny abortlov.
Sindre Deschington
– No blir det opp til Stortinget, seier barne- og familieminister Kjersti Toppe (Sp) til Vårt Land.
Ho har von om at stortingsfleirtalet kan fatte endelege vedtak som støttar Senterpartiets ståstad i abortsaka.
Fredag legg Støre-regjeringa og helseminister Jan Christian Vestre (Ap) fram forslaget til heilt ny abortlov – og sender same dag loven over til behandling i Stortinget. Dagens lov har nesten stått urørt sidan 1976.
