Skal vere eit kristent land
DANSK LOVNAD: Støre-regjeringa snakkar om kristen arv. Sveriges regjering seier ikkje eit ord om livssyn i si erklæring. «Danmark er eit kristent land», slår den nye regjeringa fast. Vil verne «det danske», seier religionsforskar.
NY REGJERING: Danmarks statsminister Mette Frederiksen, flankert av utanriksminister Lars Løkke Rasmussen t.h. og forsvarsminister Jakob Ellemann-Jensen, presenterer Danmarks nye regjering på Amalienborg Slotsplads i København.
Mads Claus Rasmussen/Ritzau Scanpix/NTB
Norge, Sverige og Danmark har alle fått nye samarbeidsregjeringar – og med det politiske plattformer som seier kva fundament regjeringane skal stå på.
Sist ut er Danmark. Her held sosialdemokratiske Mette Frederiksen fram som statsminister, men byter ut to raude samarbeidsparti og eit liberalt. Konservative Venstre og sentrumspartiet Moderaterne går inn i regjeringa etter seige forhandlingar etter valet tidleg i november.
«Over-midten-regjeringa», som samarbeidsregjeringar heiter i Danmark, har lagt fram plattforma Ansvar for Danmark. Her rullar den raudlillablå regjeringa ut den overordna trus- og livssynspolitikken:
