Skal tvangsreturnere 21 til Etiopia
RETURAVTALE: I februar lova Norge Etiopia ein milliard kroner. Politiet har samla inn 21 etiopiarar med endeleg asylavslag i Norge. Dei skal sendast heim med tvang. Tre er foreldre.
TVANG: Hit til Politiets utlendingsinternat på Trandum kjem dei som skal sendast ut av Norge med tvang.
Heiko Junge/NTB
Nest siste dag i februar kunngjorde klima- og miljøminister Andreas Bjelland Eriksen (Ap) avtalen han signerte under eit besøk i Etiopia:
Norge vil støtte Etiopias skog- og arealbrukspolitikk ved å betale for reduserte klimagassutslepp frå avskoging. Norge vil yte inntil 100 millionar dollar – eller litt over ein milliard kroner – dersom Etiopia oppnår måla i avtalen.
– Det er viktig at me støttar dei i ambisjonane mot ei grøn utvikling, sa Bjelland Eriksen etter å ha møtt regjeringsrepresentantar i hovudstaden Addis Abeba.
