Sanner: «Kontantstøtta er heilt utmerka»
SPÅKULE: Ein god barndom blir for første gong vektlagd i perspektivmeldinga. Den trekker fram barnehagar som ein del av suksessoppskrifta. Det får ikkje finansminister Jan Tore Sanner til å endra syn på kontantstøtta.
TIDLEG START: Fredag legg finansminister Jan Tore Sanner (H) fram regjeringas perspektivmelding. Han og barne- og familieminister Kjell Ingolf Ropstad (KrF) er opptekne av at barn skal få ein god start på livet.
Erlend Berge
– For å bevara velferda må fleire koma i arbeid. Me må sikra at fleire ungdommar fullfører vidaregåande, at færre blir uføre og at sjukefråværet går ned. Då må me starta med den gode barndommen.
Det seier finansminister Jan Tore Sanner (H) til Vårt Land.
Fredag legg han fram perspektivmeldinga 2021, som er ei slags spåkule for regjeringa. I meldinga ser regjeringa nærare på utfordringane som ligg fram i tid, i 2030 og 2060.
