Redda opp av havet – vil ikkje til Norge
ASYLSØKJARAR: EU pressa på, og Støre-regjeringa sa ja til å ta 20 flyktningar som blei redda av norsk båt i Middelhavet til Norge. Men ingen vil reise hit til landet.
NEI TIL NORGE: I oktober plukka det norske skipet Ocean Viking opp 234 flyktningar og migrantar i Middelhavet. Ingen av dei vil til Norge.
Vincenzo Circosta/AP
Ein etter ein fekk dei gå om bord i redningsbåten. Den farefulle båtreisa frå Nord-Afrika var over. No skulle dei få komme til målet for reisa, Europa.
I oktober plukka det norske skipet Ocean Viking opp 234 menn, kvinner og barn – frå havet.
Den franske hjelpeorganisasjonen SOS Méditerranée, som opererer Ocean Viking, ville gå til hamn i Italia for å setje flokken i land.
