Norske pengar til vegbygging i land som brukar tvangsarbeid
Norsk-støtta EU-fond har gjeve kring 200 millionar kroner til vegbygging i Eritrea, eit land som brukar tvangsarbeid. EU omtalar prosjektet som «vegar til fred».
I februar vitja ei gruppe ambassadørar frå EU-land vegprosjektet EU støttar i Eritrea med kring 200 millionar kroner. Her står dei på vegen mellom Nefasit and Dekamhare, som går rett aust for hovudstaden Asmara. Målet er å ruste opp hovudvegane mellom den eritreiske hamnebyen Massawa og grensa til Etiopia.
EUs løyvingar til opprusting av tre vegstrekningar i Eritrea vekkjer sterk uro mellom folkevalde i EU-parlamentet:
– Korleis kan EU-kommisjonen forsikre seg om at EU-prosjektet ikkje støttar tvangsarbeid, direkte eller indirekte, lyder spørsmålet Erik Marquardt har sett fram i EU-parlamentet.
Han representerer det tyske partiet Dei grøne.
