Norsk Folkehjelp til frontalangrep på Støre-regjeringa
KONFLIKT: Norsk Folkehjelp meiner dei vart lova 1,6 millioner kroner til omstridd atomvåpen-rapport i juni. Dei har ikkje sett noko til pengane og meiner Utanriksdepartementet prøver å overstyra forsking.
STRID: Generalsekretær i Norsk Folkehjelp Henriette Westhrin med rapporten «Nuclear Ban Monitor». - Me får beskjed om at regjeringa ikkje vil støtta denne rapporten. Me blir eksplisitt oppfordra til å søka pengar til eit anna prosjekt.
Giulia Troisi
– Eg synest det er ei djupt problematisk trend der regjeringa prøver å overstyra kva sivilsamfunnet skal halda på med, kva me skal forska på og kva som skal publiserast av fakta og dokumentasjon.
Henriette Westhrin møter Vårt Land i kontora til Norsk Folkehjelp i Oslo. På bordet framfor seg har generalsekretæren ein rapport på over 300 sider om verdas atomvåpen.
Rapporten med namn «Nuclear Ban Monitor» har vore eit stridstema mellom Utanriksdepartementet og Norsk Folkehjelp i over eit halvt år.
