Norsk-amerikanske Margarethe (82) vart kasta ut av militæret på 90-talet: – Historia ser ut til å gjenta seg
USA: Margarethe Cammermeyer fekk sparken frå stillinga si i militæret. 82-åringen trekkjer klare linjer frå det som skjedde då, til i dagens USA. – Eg klarer ikkje la vere å tenkje på opptrappinga til nazi-tida, seier ho.
GUD?: – Kven trur denne mannen at han er? Trur han at han er Gud – med tanke på at han trur han kan redde verda? Det heile er veldig skremmande, kommenterer Cammermeyer på Trumps handlingar så langt som president.
Privat
Margrethe Cammermeyer vart kjent i USA og Norge over natta då ho i 1992 vart kasta ut av den amerikanske hæren.
– Etter 25 år i militæret sa dei meg opp, fortel Cammermeyer til Vårt Land i ein videosamtale.
Sjølv hadde ho inga aning om at det ho hadde svart på eit spørsmål i ei tryggleiksklarering i det amerikanske forsvaret skulle få så store følgjer som det gjorde.
