Noreg har 8.800 kilometer med gassrør – derfor er me sårbare
ENERGI: Noreg har 8.800 kilometer med gassrørleidningar. Det tilsvarer avstanden mellom Oslo og Bangkok. – Norsk gassforsyning er trulig det største og mest strategisk viktige sabotasjemålet i Europa no, seier forskar til NRK.
LANG: Rørdelar blir montert i 2006 til leidningen som forsyner Storbritannia med gass. Ledningen Langeled er 1.200 kilometer lang og vart i si tid opna av statsministrane Tony Blair og Jens Stoltenberg.
Alf Ove Hansen
Det er oppdaga lekkasjar tre stader på gassrørledninger i Østersjøen. Fleire europeiske statsleiarar seier desse truleg kjem av sabotasje.
Oberstløytnant og forskar ved Forsvarets høgskule, Geir Hågen Karlsen, sa tysdag til NRK at norsk gassforsyning truleg er det største og mest strategisk viktige sabotasjemålet i Europa no.
– Det kan gjerast på mange måtar, med dykkarar, ubåtar, ubemanna fartøy eller cyberangrep mot landsinstallasjonar. Den trusselen trur eg me skal ta veldig alvorleg. Om det skulle skje, står vi ovanfor ein svært alvorleg opptrapping av konflikten, sa Karlsen til NRK.
