Nestleiar i KrFU melder seg ut av KrF
– Eg klarer ikkje å stå inne for det partiet mitt har gått med på, skriv Nikolai Skogan, første nestleiar i KrFU, på Facebook.
Nikolai Skogan blei vald til første nestleiar i KrFU så seint som i september 2018. Han ønskte å gå i regjering med Ap og Sp.
Nikolai Skogan
I ei kjensleladd Facebook-melding skriv Skogan at han vil takke partiet for mange morosame arrangement og minne, etter at han blei medlem i KrF for sju år sidan.
– Eg har brukt mykje tid på politisk arbeid og opplevd det som meiningsfullt. Etter sist landsstyre i KrF der eit fleirtal vel å gå inn i ei Høgre-Frp-dominert regjering, har eg ikkje noko anna val enn å gå ut, skriv Skogan.
Fram til desember 2018 var Skogan leiar i Troms KrFU, og så seint som i september blei han vald til første nestleiar i KrFU sentralt. No er det full stans.
