Nektar papirlause løyve til å arbeide
SV meiner det må bli slutt på at papirlause som arbeider er på kant med lova. Løysinga er å gi dei arbeidsløyve, meiner partiet. – Det er meiningslaust, seier regjeringa.
Dei papirlause etiopiarane som arbeider på Kirkens Bymisjon sin kafé i Bodø har ikkje arbeidsløyve. Det er likevel ikkje svart arbeid, meiner Karin Andersen (SV).
Torstein Ihle
– Folk som ikkje kan bli sende ut av landet må få jobbe lovleg. Regjeringa må innsjå at situasjonen er uhaldbar og at friviljuge som jobbar i felt ser nauda og avhjelper den ved å la folk som kan arbeide gjere det, seier stortingsrepresentant Karin Andersen (SV).
Uavklart
Vårt Land skreiv fredag at Kirkens Bymisjon har tilsett tre papirlause etiopiarar som ikkje kan bli tvangsreturnerte til heimlandet, på sin kafé i Bodø. Det er gjennom bemanningsbyrået Plog AS at dei tre er tilsette på kafeen.
