Løkke til, Danmark
VAL I DANMARK: 17 millionar mink, ein straffedømt statsråd, 35 avhopparar, rekordmange parti – og ein kongemakar. Det er klart for val på dansk.
NY STATSMINISTER: Mette Frederiksen frå det danske arbeidarpartiet vil ha ein ny periode som statsminister. Utfordrarane er Venstres Jakob Ellemann-Jensen (t.v.) og De Konservatives Søren Pape Poulsen. Her frå partileiardebatten i DR Koncerthuset 16. oktober.
Mads Claus Rasmussen, Ritzau Scanpix
Tysdag står slaget: Får Danmark ein blå eller ein raud statsminister? Eller: Tek jokeren siste stikk? Heng regjeringsmakta på éin folkevalt frå øyane i vest?
Meiningsmålingane fortel at det blir ei nervepirrande oppteljing tysdag og natt til onsdag. Både raud og blå blokk vakar rundt 50 prosent.
Etter 2019-valet skipa Mette Frederiksen og partiet Socialdemokratiet ei eittpartiregjering. Ho hadde 48 representantar i Folketinget, og takka vere avtalen med Radikale Venstre, Socialistisk Folkeparti og Enhedslisten samla ho 91 mandat – utan å krysse over blokkgrensene.
