Livsfarleg å vere miljøaktivist – 1.733 drepne på ti år
MILJØKAMP: Kvar andre dag mistar ein miljøaktivist livet.
DREPNE: Aktivisten Bruno Pereira blei gravlagt 24. juni i Recife i Brasil. Pereira blei drepen i Amazonas saman med den britiske journalisten Dom Phillips.
Teresa Maia
5. juni forsvann urfolkseksperten og aktivisten Bruno Araújo Pereira i Brasil. Han var på reise saman med den britiske journalisten Dom Phillips.
Dei var på veg mot den nordvestlege delen av Brasil, nær grensene til Peru og Colombia. Området er særleg herja av valdelege konfliktar mellom fiskarar, jegerar og styresmakter.
Pereira hadde tidlegare leia den lokale greina til den brasilianske urfolks-etaten Funai og deltatt i fleire operasjonar mot ulovleg fiske. Phillips arbeidde særleg for avisa The Guardian.
