Innvandringsminister Sylvi Listhaug (Frp) skal i haust velje toppsjefar i både Utlendingsdirektoratet og Utlendingsnemnda.
Innvandringsminister Sylvi Listhaug (Frp) skal saman med ekspedisjonssjef Terje Sjeggestad (midten) i Justisdepartementet finne ut kven som skal leie UDI og UNE dei neste seks åra. Her saman med dagens UDI-direktør Frode Forfang på ein migrasjonskonferanse i Aten.
Asylsaker toppar på nytt dagsorden i både Stortinget og regjering. No skal innvandringsminister Listhaug omsetje stortingsvedtaka frå tysdag til praktisk politikk, som Utlendingsdirektoratet (UDI) og Utlendingsnemnda (UNE) i neste omgong skal etterleve.
