Legar vert så trøytte at dei gløymer arbeidsoppgåver
Brukar dagevis på å kome seg etter ei nattevakt. Slit med kvalme, hovudverk og søvnforstyrringar.
Kristian Fosså, tillitsvald på Oslo universitetssykehus, fortel at nattevaktene får stadig fleire arbeidsoppgåver.
Erlend Berge
– Sjukehusa tøyer reglane for å spare pengar, hevdar legetillitsvald.
Ei ny dansk undersøking viser at sjukehuslegar ofte vert så trøytte av nattevaktene at dei gløymer arbeidsoppgåver, og brukar fleire dagar på å kome seg til hektene. Dei skildrar det som å vere fyllesjuke, og nokre må bruke smertestillande når skiftet er over.
I Norge har sjukehuslegar ei arbeidstidsordning som er endå meir belastande enn den danske. Arbeidsvekene kan strekkje seg opp mot 60 timar og aktive vakter kan vere på inntil 19 timar.
