KrF-Ulstein langar ut mot Sp for å droppa støtte til dagens abortlov
POLITIKK: I forslag til nytt Senterparti-program er støtte til dagens abortlov teke ut. Dag-Inge Ulstein (KrF) skuldar Sp for dobbeltkommunikasjon. Stortinget skal stemma over ny abortlov i desember.
VIL HA MEIR: – Eg trur veljarane forventar meir av parti. At partia ikkje berre legg opp verdipolitikken etter kor vinden bles, seier Dag-Inge Ulstein (KrF).
Heiko Junge/NTB
– No går Senterpartiet i same grøft som Høgre. Det er overraskande, for KrF og Sp har tidlegare vore del av ein verdifellesskap.
Det seier Dag-Inge Ulstein, fungerande partileiar i KrF, til Vårt Land.
Senterpartiet droppar formuleringar om at partiet støtter dagens abortgrense ved veke 12, i utkast til nytt partiprogram. Det var Altinget som først meldte saka.
