KrF taper eigarskap til kjernesak
VAL: Med målingar under sperregrensa slit KrF med gamle hjartesaker. Men valforskar ser potensiale for partiet.
SIKTAR MOT MÅL: Å få KrF over sperregrensa er ein viktig jobb for fungerande partileiar Dag-Inge Ulstein.
Synne Folstad Moen
I ei ny undersøking peiker ein av ti på KrF som best på barne- og familiepolitikk. Det viser ei undersøking Norstat har gjort på oppdrag for Vårt Land.
– Det er bra, og det er fleire enn dei som stemmer på partiet. Så her er det potensial. Partiet gjer det også bra på eldreomsorg, seier valforskar Johannes Bergh.
Dei siste åtte månadane har KrF lege under sperregrensa på snitt på meiningsmålingar. Å koma over fire prosent ved haustens stortingsval blir viktig for partiet.
