Kommune-tilsette henta matposar hjå Frelsesarmeen
MATKØ: Før jul vart Frelsesarmeen i Farsund kontakta av kommunalt tilsette som bestilte matposar til brukarane. – Vitnar om eit samanbrot for velferdsstaten, meiner Raudt-politikar Mímir Kristjánsson.
DELER UT: Frivillig Mia Juvelid (til venstre) og korpsleiar i Frelsesarmeen Sigridur Elin Kjaran deler ut mat i Farsund.
Foto: Privat
– Dei tilsette gjer det sikkert for å vera greie. Men det seier noko om at det kommunale hjelpeapparatet ikkje fungerer, seier Raudt-politikar Mímir Kristjánsson til Vårt Land.
Som politikarar flest reiser han landet rundt i samband med valkampen. I sørlandskommunen Farsund møtte han den lokale Frelsesarmeen og fekk høyre at kommunalt tilsette har komme innom for å henta mat til brukarane sine.
Mímir Kristjánsson kontaktar Vårt Land om saka, som han meiner er alvorleg.
