Jorunn Lossius (KrF) om abort i valkampen: «Dette må veljarane forhalda seg til»
ABORT: I eit kjensleladd innlegg på Facebook tek Jorunn Gleditsch Lossius eit oppgjer med abortvedtaket på SV sitt landsmøte. – Når fleire parti no har gjort ei dramatisk utviding av abortlova til eitt av sine valløfte, så blir veljarane nøydde til å forhalde seg til dette, seier ho til Vårt Land.
ABORT: Jorunn Gleditsch Lossius reagerer sterkt på vedtaket på SV sitt landsmøte om å utvide grensa for sjølvbestemt abort til veke 22, og meiner dette er noko veljarane er nøydde til å ta stilling til i haustens val.
Erlend Berge
SV vedtok denne helga å utvide grensa for sjølvbestemt abort til veke 22. Dette fekk stortingsrepresentant Jorunn Gleditsch Lossius til å reagere kraftig, og måndag ettermiddag la ho ut eit bilete av sin eigen mage då ho var 22 veker på veg med sitt første barn.
Det er helt sjokkerende og dypt fortvilende at vi nå ser en situasjon i norsk politikk der partiene på venstresida bruker sine landsmøter til å frata barnet i magen alt rettsvern, skriv ho i innlegget som er delt rundt 1500 gongar.
På spørsmål om ho meiner dette no bør bli ei valkampsak for KrF viser ho til at også Arbeidarpartiet, Raudt og MDG har gjort vedtak om å utvide abortgrensa, og at dette er noko veljarane derfor er nøydde til å ta omsyn til.
