Intenst press då KrF prøvde å stoppe homoterapilov
HOMOTERAPILOV: Sentralt plasserte kjelder i fleire av regjeringspartia hevdar at KrF jobba intenst for å stoppe lovutkastet som forbyr homoterapi. Press mot statsministeren frå hennar eigne kan ha vore avgjerande.
TØFFE TAK: I følgje Vårt Lands kjelder skal det ha vore tøffe tak mellom KrF-leiar Kjell Ingolf Ropstad og Venstre-nestleiar Abid Raja i saka om konverteringsterapi. Her er Ropstad saman med statssekretær Julie Kordahl.
Erlend Berge
– KrF sin plan A var å stoppe heile utgreiinga og hindre at eit lovutkast vart lagt fram. Plan B var å dra det ut slik at framlegginga ikkje ville skje før etter valet.
Dette seier ei sentralt plassert kjelde i regjeringsapparatet. Ifølgje fleire Vårt Land har snakka med har det gått føre seg ei intens tautrekking mellom regjeringspartia Venstre og KrF i denne saka.
Heilt til det siste har det vore usikkert om lovnaden frå kultur- og likestillingsminister Abid Raja (V) om å legge fram lova før sommarferien, ville halde. Når det no er skjedd, kan press mot statsministeren frå eiga stortingsgruppe ha vore ein viktig faktor.
