Det er det høgaste talet nye smittetilfelle sidan 20. november.
I alt var det ved midnatt natt til onsdag registrert 48.278 koronasmitta personar her i landet, viser førebelse tal frå det nasjonale meldesystemet for smittsame sjukdommar (MSIS).
Dei siste sju dagane er det registrert til saman 3.346 nye smittetilfelle i Noreg. 2,7 millionar personar er til no testa for koronavirus her i landet.
151 koronapasientar var tysdag innlagde på sjukehus. Det var ti fleire enn dagen før.
Til saman er 433 koronasmitta personar døde i Noreg sidan mars, viser førebelse tal. Om pasientane har døydd av eller med covid-19, er ikkje alltid mogleg å slå fast.
64,0 prosent av alle døde har fylt 80 år. I aldersgruppa under 50 år er det meldt om ni dødsfall i Noreg.