Horne opnar for å tvangsplassere 900 asylbarn
På norske asylmottak bur det i dag 911 barn som har fått opphald. Men Kommune-Norge vegrar seg mot å ta imot dei. Desse får ikkje eit naturleg liv slik andre ungar har, åtvarar UDI. Inkluderingsminister Solveig Horne (Frp) vurderar no å tvinge kommunar til å opne dørene.
Barne-, likestillings- og inkluderingsminister Solveig Horne (Frp) strevar med å få Kommune-Norge til å busetje alle flyktningane som har fått opphald i landet.
NTB scanpix
No finn barne-, likestillings- og inkluderingsminister Solveig Horne (Frp) fram ei mangslungen politisk verktøykasse for å løyse floken.
– Vi kan ikkje stå inne for denne situasjonen, seier statsråd Horne.
Ho vonar på frivillige tiltak - få Kommune-Norge til å svare ja på førespurnadane om å ta i mot fleire flyktningar med opphaldsløyve.
