VERDSLEIANDE: Statsminister Jonas Gahr Støre (Ap) med eit Nasams-batteri i ryggen. Det blir lada med seks rakettar. Dette er verdsleiande teknologi, seier Støre.
Erlend Berge
Her blir våpenet som gjer «himmelen over Ukraina tryggare» bygd
KRIGEN I UKRAINA: Sidan grunnlovsåret 1814 har Norge hatt eigen våpenfabrikk. Frå Kongsberg får Ukraina hjelp til å skyte ned fienden.
KONGSBERG: – Dei kjem om tre minutt.
Meldinga sender to menn og ei kvinne ut av den lune resepsjonen, ut i bitande vintervind.
To tynnkledde våpenfabrikantar i dress og ein ordførar med sølvtungt kjede stiller seg på line og ventar. På politiske handtrykk og smil som varmar.
