Haben skal bruke stemma: – Fryktar remigrasjon blir verkeleg
TYSKLAND VAL: Ytre høgre-partiet Alternativ for Tyskland styrer mot brakval. Haben Goitom fryktar eiga framtid i landet.
FYRSTE GONG: Haben Goitom trur mange innvandrarar blir meir bevisste og involverte i politikken grunna situasjonen i landet. Til venstre ser ein folk som samlast for å protestere mot AfD i Berlin, 25. januar i år.
AP Photo/Privat
– Dette blir fyrste gong eg stemmer i eit nasjonalt val i Tyskland – faktisk er dette fyrste gong eg stemmer for eit politisk parti. I Eritrea hadde me ikkje val, fortel Haben Goitom til Vårt Land.
Ho kjem frå Eritrea og har budd i Tyskland sidan 2015. I 2022 vart ho tysk statsborgar, og skal søndag bruke den ferske stemmeretten.
Ho seier det kjennest bra å vere del av ein demokratisk prosess der folket har rett til å velje kven som skal styre landet. I valkampen har det vore mykje merksemd rundt frammarsjen av ytre høgre – med partiet Alternativ for Tyskland (AfD) i spissen.
